Хүмүүнлэгийн ухааны их сургууль нь 2007 оноос Бихевиор судлаач, 2012 оноос Сэтгэл судлалын бакалавр, 2019 оноос Сэтгэл судлалын магистрын хөтөлбөрийг хэрэгжүүлж байна. Сэтгэл судлалын тэнхимийн дэргэдэх лаборатори нь 2010 онд байгуулагдсан бөгөөд туршилтын хэсэг, ажиглалтын өрөө, сэтгэл зүйн зөвлөгөөний өрөө зэрэг сургалтын үйл ажиллагааг зохион байгуулах орчин нөхцөлөөр бүрэн хангагдсан. Сэтгэл судлалын тэнхим нь танин мэдэхүй, сэтгэл хөдлөл, зан үйлийг судлах зориулалт бүхий тоног төхөөрөмжүүд болон олон улсад өргөн хэрэглэгддэг сэтгэл зүйн тест, асуулгын санг хэрэглэгдэхүүнээ болгон сургалт, эрдэм шинжилгээний чиглэлээр үйл ажиллагаа явуулж байна.